قصيدة بعنوان // الفلوس ************ الفلوس الفلوس//بقلم الشاعر المتالق//بسيوني صديق

قصيدة الفلوس
************
الفلوس الفلوس   
الفلوس لو مش بتسعد
متبقاش  فلوس
تفيد بإيه الفلوس
مع النحس المتعوس
الصحة وراحة البال
أحسن من الفلوس
كلمة وقالوها زمان 
يكفيك شرالفلوس
*************
الفلوس الفلوس   
الفلوس محتاجة ناس طيبة   
تعرف تستخدم الفلوس
وتعمل الخير
وعلي الشر تدوس
ناس موجودة معانا 
دورعليها بابرة ودبوس
قلوبها فيها رحمة
يرحمها الملك القدوس
*************
الفلوس الفلوس   
لو كل واحد طلع زكاته   
بالرضا والمحسوس
مش هيبقي في فقير
محتاج  للفلوس
طلع يابخيل   
المستخبي والمدسوس
واللي تحت البلاطة
أحسن ياكلها السوس
***************
الفلوس الفلوس   
جرب شوف مالك
هيزيد لما تطلع فلوس
هيبقي عندك  أطيان     
وبقر وجاموس
و الناس تدعيلك
يارب زيده من الفلوس
وعلي إيدك وش وضهر
يامتصدق بوس
*************
كلمات بسيوني