قصيدة بعنوان//رحلة عراب ✍️✍️✍️ بقلم الشاعر المتالق / Bilal Samy/

رحلة عراب ✍️✍️✍️
بقلم / Bilal Samy

مش هو ده زمن الفوارس       
و لا هو ده بحر النوارس
و لا اميره وراها حارس         
و لا ملك على العرش جالس
عنتر و روميو و حسن ونعيمة كله كلام حواديت وسيما ،،،،
سحر و بحر و جبل و جني ينقلني لكل بيت
مر و صبر و عسل رحت معاهم و جيت
دمعه و بسمه و امل  ... 
و تخلص الحواديت
من سنين و سنييين داير انا سواح ،،،،
دمعى مطر .. لاء سيل ساري كما الارواح
بدور ع الحنين شايل شنطة جراح  ،،،،
و اصحابي ف الرحله حلم
و قمر و طير بلا جناح ،،،
بدور ف الجبال على سؤال مخطوف ،،،،
الف ف التلال ادخل مغارات و كهوف ،،،
تجرى مني الآمال اجري وراها و اطوف ،،،
الصبر بيه طال و لسه بجرب و بشوف
و لحد الآن ملقتش
كلمه ما اتقالتش       او حرف ما اتكتبش.       

او شمعه ما انطفتش    او قلم ما اتكسرش.         

او دمعه ما اتجبرتش    او عقل ما اتحرقش.           

او رؤيه ما اتشفتش       او قلب ما اتجرحش

و الرحله ........
ما انتهتش لسه بلم في الجرح ✋