قصيدة بعنوان//ما بدي تحطي أصفر//بقلم الشاعر المتالق//محمود عجور//

ما بدي تحطي أصفر
ولا بدي تحطي أخضر
بدي هالقلب الأحمر
دقاته تعلى وأكتر

ما بدي الدنيا قصورة
ولا عندي تكوني صورة
ولا قصيرة التنورة
بدي حبك مش أكتر

ما بدي تحكي افرنجي
ولا بدي تمشي غنجي
ولا حتى تكوني فرجي
من قهري أنا بسكر

ما بدي تهديني شال
ولا بدي تغني موال
بدي معك يمشي الحال
حبيني بحبك أكتر

ما بدي دهب ولا مال
ولا بدي إبقى بهالحال
 ولا بدي كون الرحال
ضلك معي ما بتخسر

ما بدي تحكي حكاية
ولا بدي تروي رواية
كوني عمري محلاية
حبيني بفرح أكتر

وينك يا رف الحمام
ما بدي تضرب سلام
قضي معك هالإيام
ترويني وأطلب أكتر

ما بدي
بقلمي محمود عجور