قصيدة بعنوان//جلابية خالي//بقلم الشاعر المتالق//عادل عقل مصر الاسماعيلية في 2-3-2020

جلابية خالي

لما بلبسها
حياتي تحلالي
وأفتكر أمي
ال ما غابت
في يوم
عن بالي
شامم ريحتها
حاسسها
وكأنها قاعدة
وشايفها قدامي
وتمر بيا الذكريات
وأفتكر كتير
حكايات
جدي ال ياما كتير
حكى هالي
يا أغلى الحبايب
ال ما راحت
في يوم عن بالي
ومحفورة
في ذاكرتي
شايفه قدامي
ياحلوة يا اسكندراني
وريف بلدنا
ولمة العيلة
وسيدنا
ال حفظني القرآن
وكل أية
 حفظها لي
بصيت لقيتني
فاكر ومش ناسي
ولا يمكن أنسى
الجلابية ال
مونساني
جلابية خالي

عادل عقل مصر الاسماعيلية في 2-3-2020