قصيدة بعنوان//قلبي الحبيب انظلم//بقلم الشاعر المتالق//أسامه جديانه//

قلبي الحبيب انظلم
من قسوة الحبيب وجفاه
بكى الحنين بالألم
من كتر قولت آه
تاه عن طريقه الحلم
فين السبيل يلقاه
لا يوم الحبيب ندم
ولا صادف يوم وناداه
كان بينهم ألف قسم
انه عمره ماينساه
سقاه بركان وحمم
وعلى نار الشوق سواه
عيشني انا فى الوهم
الحب نعيم وجاه
بنى قصر يشبه الهرم
قالي هسكن فى سماه
كتب رساله بالقلم
قال ان حبي دواه
كتبها بلون الدم
وكان الحنين فحواه
احياني بعد العدم
من كثرة المناجاه
فاتني ولا حتى سلم
فات قلبي اللي بيهواه
وقلبي اللي كان مسلم
كان ماشي فى نور ضياه
صابو الشعور بالظلم
من قسوة الحبيب وجفاه
                                (((أسامه جديانه

)))