قصيدة بعنوان//يا قاضي الغرام//بقلم الشاعر المتالق//محمود عجور//

يا قاضي الغرام
بحكيلك حكايتي
عاشق ولهان
وهي قصتي وروايتي
فيها العشق حيران
حقيقة وبتشبه مرايتي

إسمع يا قاضي الحكاية
 قلب بالعشق يرويها
وتنهيدة الروح
بالإسم بتناديها
دقات القلب يا الله
شو معلقة فيها

من الخجل هالبنت
شو محلاية
نجمة ليل
بهالسما مضواية
غمزات خدودها
حبة حبة منقاية
والسحر بعيونها
من نور الشمس جاية

يا قاضي الغرام
لا تحكم عليي
حكمك عليها
شو بدك أنا فيي
عشق القلب من الله
أجمل هدية
ودقاته يا قاضي
كفارة من ألف خطية

كفارة بقلمي محمود عجور